Novas teorías evolucionistas

O NEODARWINISMO OU TEORÍA SINTÉTICA DA EVOLUCIÓN

Foi proposta por varios autores que harmonizaron a principios do século XX a teoría da selección de Darwin cos descubrimentos en xenética e outras áreas da bioloxía.

Principais axentes do neodarwinismo

• A causa da variabilidade biolóxica observada por Darwin débese a mutacións e á recombinación xenética da meiose e que orixina novas combinacións de xenes nos descendentes.
• A selección natural actúa sobre a variabilidade xenética. Os individuos dunha poboacións son portadores de diferentes alelos responsables do seu fenotipo.
• A evolución prodúcese gradualmente como resultado dos pequenos cambios nas frecuencias dos distintos alelos dunha poboación.
• A unidade evolutiva non é o individuo, senón a poboación.

TEORÍA NEUTRALISTA OU NEUTRALISMO

O xenetista xaponés Motoo Kimura propuxo a teoría neutralista ou neutralismo en 1970:

• Moitos dos cambios que se producen no ADN  son neutros á selección natural. A maioría das mutacións que sofren os xenes non son boas nin malas dende o punto de vista da selección, polo que non varían o nivel de supervivencia dunha especie.
• O azar é o que produce as variacións, non a selección natural. 

Segundo esta teoría, o ritmo da evolución é gradual.

TEORÍA DO EQUILIBRIO PUNTUADO OU SALTACIONISMO

Proposta polos paleontólogos Stephen Jay Gould e Niles Eldredge.

                   

• A evolución das especies non ten lugar de maneira gradual, senón que se produce de forma moi irregular, a saltos.
• A ausencia de pasos intermedios no rexistro fósil corresponde á falta real destas fontes intermedias.