Estruturas e orgánulos da célula eucariota

ORGÁNULOS MEMBRANOSOS

Retículo endoplasmático

Rede de sacos e túbulos intercomunicados.

-Retículo endoplasmático rugoso: ten ribosomas na cara externa da membrana onde son sintetizadas as proteínas que logo pasan ao aparato de Golgi.

-Retículo endoplasmático liso: carece de ribosomas. Elimina substancias tóxicas e produce lípidos.

Lisosomas e peroxisomas

Vesículas membranosas que conteñen encimas. Os lisosomas fan a dixestión intraceluar e, os peroxisomas, reaccións de oxidación.

Aparato de Golgi

Formado por grupos de cisternas membranosas con extremos ensanchados. Modifica proteínas e lípidos e distribúense polas vesículas á membrana, medio extracelular ou lisosomas.

Cloroplastos

Exclusivos das células vexetais. Neles prodúcese a fotosíntese.

Mitocondrias

Teñen dúas membranas. Respiración celular. Teñen ADN  e ribosomas propios.

ESTRUTURAS NON MEMBRANOSAS

Ribosomas

Formados por proteínas e ARNr. Sintetizan as proteínas.

Inclusións

Acumulacións de materiais de reserva.

Centrosoma

Ten dous centríolos dispostos de forma perperndicular un respecto do outro. Organización dos microtúbulos das células animais e formación do fuso durante a división celular.

Cilios e flaxelos

Prolongacións das células que teñen unha estrutura interna formada por pares de microtúbulos. Permiten o movemento das células libres ou do medo onde están células dos tecidos.

Citoesqueleto

Rede proteica. Soporta ao citoplasma. Movemento celular.

-Microfilamentos: formados por actina. Contracción muscular e citocinese na división celular.

-Filamentos intermedios: formados por proteínas que axudan a manter a forma celular.

-Microtúbulos: estruturas ocas que forman o fuso mitótico e os cilios e flaxelos.