As mutacións e a súa importancia biolóxica

QUE SON AS MUTACIÓNS

As mutacións son cambios no material xenético que se producen ao azar e poden ocorrer en calquera célula do organismo.

Ocorren cunha frecuencia moi baixa pero poden aumentar pola acción de certos axentes mutaxénicos.

Poden ser de dous tipos:

-Cromosómicas: afectan ao número ou á estrutura dis cromosomas e débense a erros durante a división celular ou na formación de gametos.

-Xénicas: son cambios na secuencia de nucleótidos do ADN que afectan á estrutura dun xene e alteran a proteína codificada por este.

SON HERDABLES AS MUTACIÓNS?

As mutacións asociadas á mitose son mutacións somáticas. Poden causar alteracións ou enfermidades ao individuo que as posúe, pero non transmitirse á descendencia.

As mutacións producidas por erros durante a meiose e a formación dos gametos son mutacións xerminais, polo que son herdables e transmítense de pais a fillos.

ENFERMIDADES XENÉTICAS DEBIDAS A MUTACIÓNS: A ANEMIA FALCIFORME

A anemia falciforme é unha enfermidade orixinada por unha mutación nun único nucleótido do xene que produce a hemoglobina (proteína nos glóbulos vermellos, responsable do transporte de osíxeno polo sangue).

O xene mutante produce unha hemoglobina que sofre unha agregación anormal que deforma a estrutura do glóbulo vermello. Estes tenden a agregarse e causan obstrucións dos vasos, destrúense e provocan anemia.

Só se presenta en persoas homocigóticas para o xene mutado (F´F´).

Importancia biolóxica das mutacións

Algunhas mutacións son neutras e non producen ningún efecto, pero moitas poden ser beneficiosas e mellorar a capacidade dun individuo para sobrevivir. Son unha fonte importante de variabilidade xenética.