A enxeñaría xenética

QUE É A ENXEÑARÍA XENÉTICA?

A enxeñaría xenetica é o conxunto de técnicas que permiten illar, cortar, combinar e unir fragmentos de ADN nunha única molécula de ADN e transferila a outra célula.

A molécula de ADN resultante denomínase ADN recombinante e o organismo cuxo xenoma se modificou (OMX) denomínase organismo transxénico.  

Como se transfiren xenes ás plantas ou aos animais?

A transferencia de xenes a animais serve para estudar as causas e os posibles tratamentos de enfermidades humanas. 

A produción de proteínas mediante enxeñaría xenética

Por exemplo, a insulina (hormona utilizada para tratar a diabetes) obtíñase a partir de extractos de animais, o que producía reaccións adversas nas persoas ao ser unha insulina diferente á humana. 

Actualmente prodúcese usando bacterias modificadas mediante enxeñaría xenética. É idéntica á humana e non provoca efectos adversos.

TÉCNICAS DE ENXEÑARÍA XENÉTICA

As técnicas de enxeñaría xenética para producir proteínas realízanse seguindo un protocolo que inclúe as seguintes etapas:

• A partir dunha célula humana de páncreas, localízase e íllase o xene que codifica para a insulina mediante encimas que cortan a molécula de ADN.
• O xene humano insírese no ADN dun plásmido bacteriano que actúa como vector para transferilo á bacteria.
• Selecciónanse as bacterias que conteñen o xene da insulina inserido no seu ADN, para o que se usan algúns xenes marcadores.
• Faise medrar ás bacterias en grandes fermentadores e en condicións favorables para que, mediante reprodución asexual, produzan millóns de bacterias idénticas co xene da insulina humana.
• O xene da insulina transcríbese e tradúcese producindo grandes cantidades de insulina, que as bacterias idénticas co xene da insulina humana.
• A insulina recóllese e purifícase para a súa comercialización.