Compoñentes químicos das células

A célula é a unidade estrutural e funcional básica dos seres vivos. Están compostas por bioelementos e biomoléculas.

As biomoléculas están formadas por bioelementos combinados e poden ser orgánicas e inorgánicas.

Biomoléculas inorgánicas: a auga

A auga é a molécula máis abundante nos seres vivos e está formada por dous átomos de hidróxeno e un de osíxeno. Xeralmente, referímonos a ela por este nome cando está en estado líquido e é "unha das substancias químias máis investigadas, pero segue sendo unha das menos entendidas"(John Emsley, investigador).

Ten moitas propiedades fisicoquímicas, como o seu gran poder disolvente (o que fai máis doado transportar os nutrientes e realizar as reaccións químicas do metabolismo celular).

Biomoléculas inorgánicas: os sales minerais

Os sales minerais son compostos fundamentalmente iónicos que poden ser insolubles en auga.
Os insolubles son útiles para formar estruturas esqueléticas, como o fosfato tricálcico (ósos) e o carbonato cálcico (cunchas dos moluscos e exoesqueletos dos crustáceos)e os solubles, entre outras cousas, regulan a acidez (pH) e a osmose e forman parte das clorofilas e participan nos procesos da fotosíntese.

CONCEPTOS

-Diusión: tendencia das partículas de soluto a distribuírse uniformemente no seo dunha disolución.
-Osmose: difusión a través dunha membrana impermeable que permite o paso do disolvente pero non do soluto.
-Disolución hipotónica: disolución menos concentrada.
-Disolución hipertónica: disolución máis concentrada.

Biomoléculas orgánicas: os glícidos

Tamén chamados hidratos de carbono, están formadas por carbono, hidróxeno e osíxeno.

Teñen función enerxética, estrutural ou plástica. Hai distintos tipos:

• Monosacáridos: son os máis sinxelos. Son doces, solubles, cristalizables, caramelizables con calor e redutores. Algúns proporcionan enerxia ás células (ex: glicosa e fructosa) e outras forman parte dos ácidos nucleicos (ex: ribosa e desoxiribosa).
• Disacáridos: formados pola unión de dúas moléculas de monosacáridos. Ex: sacarosa, lactosa, maltosa,etc.
• Polisacáridos: formados por milleiros de monosacáridos que se unes e que poden funcionar como reserva de enerxía ou formar estruturas.

CONCEPTOS

-Amidón: forma en que se almacenan as moléculas de glicosa (c. vexetal) e glicóxeno (c.animal).
-Celulosa: polisacárido estrutural máis importante e forma parte das células vexetais.

Biomoléculas orgánicas: os lípidos

Son insolubles en auga e desempregan importantes funcións. Están formadas por carbono, hidróxeno e osíxeno. Hai varios tipos:

• Triglicéridos: formados por unha molécula de glicerina e tres de ácidos graxos. Almacenan gran cantidade de enerxía para as células.
• Ceras: repelen a auga e serven de illante e protexen da humidade.
• Fosfolípidos: conteñen ácido fosfórico. Forman parte das membranas celulares.
• Lípidos isoprenoides ou terpenos: vitaminas A,E e K.
• Esteroides: colesterol, vitamina D e hormonas sexuais.