O ciclo de vida da célula

O CICLO CELULAR

É o conxunto de acontecementos que teñen lugar na célula desde a formación hata a división. Ten dúas etapas: interfase e división celular.

INTERFASE

Ocupa a maior parte da vida célula. É unha etapa de crecemento e de grande actividade metabólica. Fases:

• G₁: nela comeza a síntese das proteínas; increméntase o volume do citoplasma e o tamaño e o número dos orgánulos. As células que non se dividen detéñense nesta etapa.
• Fase S: duplicación do ADN. Os cromosomas pasan a estar formados por dúas cromátides idénticas.
•  G₂: prodúcense novos orgánulos. A célula prepárase para a división.

DIVISIÓN CELULAR

Chámase fase M. É unha etapa breve. Ten dúas fases:

• Mitose (ou división do núcleo): repartición de cromosomas entre as células fillas.
• Citocinese: división do citoplasma coa repartición de orgánulos e a separación as células fillas.

OS TUMORES

Cando os sistemas de control da división celular fallan, as células poden empezar a dividirse incontroladamente, dadndo lugar a masas celulares chamadas tumores.

-Tumores benignos: as células divídense nunha área limitada. Adoitan estar rodeados por unha membrana e non invaden outros tecidos. Poden ser perigosos se premen órganos importantes. Elimínanse con cirurxía.

-Tumores malignos: (cancro) o control da división celular está seriamente alterado e medran sen control danando os órganos onde están localizadas. As células tumorais poden pasar ao sangue e formar tumores noutros órganos (metástase).

O cancro trátase con radioterapia e quimioterapia.