Ola! Son Noa, unha estudante de 4º da ESO, e vou usar este blog para falar, ao longo deste ano escolar; sobre as cousas de Bioloxía e Xeoloxía que estou dando en clase. Espero que vos guste e vos sexa de axuda!!!! 😊😊
A MITOSE PRODUCE CÉLULAS FILLAS IDÉNTICAS Á CÉLULA NAI -Mitose: división do núcleo celular para dar lugar a dúas células fillas con idéntica información xenética que a nai. Forma de reprodución asexual común ás células eucariotas. Nos animais ocorre en case todos os tecidos, pero nas plantas só ocorre nos meristemas (tecidos encargados de dividirse e dar lugar aos demais tecidos da planta). O movemento dos cromosomas durante a mitose está controlada polos centríolos e o fuso mitótico. Os cromosomas ancóranse ás fibras do fuso, que controlan a separación das cromátides e o seu desprazamento cara ás células fillas. Fases: -Profase: cromatina condensada forma cromosomas. Desaparece a envoltura nuclear e o nucléolo. Centríolos migran aos polos. Fórmase o fuso mitótico. -Metafase: cromosomas insírense nos microtúbulos do fuso e dispóñense no centro da célula. -Anafase: cromátides idénticas de cada cromosoma sepáranse. Fibras do fuso acúrtanse e arrastran ás cromátides a
ORGÁNULOS MEMBRANOSOS Retículo endoplasmático Rede de sacos e túbulos intercomunicados. -Retículo endoplasmático rugoso: ten ribosomas na cara externa da membrana onde son sintetizadas as proteínas que logo pasan ao aparato de Golgi. -Retículo endoplasmático liso: carece de ribosomas. Elimina substancias tóxicas e produce lípidos. Lisosomas e peroxisomas Vesículas membranosas que conteñen encimas. Os lisosomas fan a dixestión intraceluar e, os peroxisomas, reaccións de oxidación. Aparato de Golgi Formado por grupos de cisternas membranosas con extremos ensanchados. Modifica proteínas e lípidos e distribúense polas vesículas á membrana, medio extracelular ou lisosomas. Cloroplastos Exclusivos das células vexetais. Neles prodúcese a fotosíntese. Mitocondrias Teñen dúas membranas. Respiración celular. Teñen ADN e ribosomas propios. ESTRUTURAS NON MEMBRANOSAS Ribosomas Formados por proteínas e ARNr. Sintetizan as proteínas.
Comentarios
Publicar un comentario